1 first steps

2 options

3 rights

4 resources

1 first steps

2 options

3 rights

4 resources

1 first steps

2 options

3 rights

4 resources

သင်သည် အိုကယာမစီရင်စုတွင် နေထိုင်ပြီး ကိုယ်ဝန်ဆောင်တစ်ဦးဖြစ်ပါသလား? ကိုယ်ဝန်ဆောင်စဉ်အတွင်း သင့်အခွင့်အရေးများ၊ ရွေးချယ်စရာများနှင့် အထောက်အပံ့များအကြောင်း

အဆင်မပြေမှုများရှိပါက သင်တစ်ယောက်တည်း ရင်ဆိုင်စရာမလိုပါဘူး။ ဒီဝက်ဘ်ဆိုက်က ကိုယ်ဝန်ဆောင်ချိန်မှာ သင့်ရရှိနိုင်တဲ့ အခွင့်အရေးတွေကို ရှင်းပြထားပြီး အခမဲ့ တိုင်ပင်ဆွေးနွေးမှုတွေ ပေးနေတဲ့ အထောက်အပံ့အဖွဲ့တွေကိုလဲ မိတ်ဆက်ပေးထားပါတယ်။

အလုပ်လုပ်ကိုင်နေသူများ နှင့် နိုင်ငံတကာကျောင်းသူများ အတွက်

ကိုယ်ဝန်ကို ဆက်လက်ဆောင်ထားရန် မဆောင်တော့ရန် ဆုံးဖြတ်ရာတွင် အခက်အခဲရှိသူများ

ဗီဇာသက်တမ်း ကုန်ဆုံးမှာကို စိတ်ပူနေပါသလား?

ဖြစ်စဥ်ပြ ဇယား ကိုကြည့်ပါ

ဒီနေမှစတင်ပါ

1 first steps

အရေးပေါ်သန္ဓေတားဆေး (လိင်ဆက်ဆံပြီးနောက် သောက်သည့် သန္ဓေတားဆေး)

အရေးပေါ်သန္ဓေတားဆေးပြားသည် လိင်ပိုင်းဆိုင်ရာအကြမ်းဖက်မှု သို့မဟုတ် သန္ဓေတားနည်းပျက်ကွက်မှု (ဥပမာ ကွန်ဒုံးပေါက်သွားခြင်း) တွင် ကိုယ်ဝန်မရအောင်ကာကွယ်သည့်နည်းလမ်းတစ်ခုဖြစ်သည်။ လိင်ဆက်ဆံပြီး ၇၂ နာရီအတွင်း သောက်သုံးပါက ထိရောက်မှုရှိသည်။ ၁၀၀% ကာကွယ်နိုင်သည့် အာနိသင်မရှိသော်လည်း စောစီးစွာသောက်သုံးလေ ပိုမိုထိရောက်မှုရှိလေဖြစ်သည်။

ဆေးဆိုင်များတွင် ဆရာဝန်ညွှန်ကြားချက်မလိုဘဲ ယန်း ၇၅၀၀ ခန့်ဖြင့် ဝယ်ယူနိုင်ပါသည်။ ဆေးခန်းများနှင့် ဆေးရုံများတွင်လည်း ဝယ်ယူနိုင်ပါသည်။ (၂/၈ တွင် ထည့်သွင်းထားသည်)
အသက်အရွယ်ကန့်သတ်ချက်မရှိပါ၊ မိဘသဘောတူညီချက်လဲမလိုအပ်ပါ။
ကျန်းမာရေးအာမခံတွင် အကျုံးမဝင်ပါ (ကိုယ်တိုင်ကုန်ကျစရိတ်ဖြစ်သည်)။
တချို့ဆေးဆိုင်များတွင် နေထိုင်ခွင့်ကဒ် (ဇိုင်းလျူးကဒ်) ပြသရန် လိုအပ်နိုင်ပါသည်။

ကိုယ်ဝန်မရှိကြောင်း အတည်ပြုရန်အတွက် အရေးပေါ်သန္ဓေတားဆေးပြားသောက်သုံးပြီး သုံးပတ်အကြာတွင် ကိုယ်ဝန်စစ်ဆေးမှု (ကိုယ်တိုင်စစ်ဆေးခြင်း ↓) ပြုလုပ်ရန် အကြံပြုအပ်ပါသည်။

အရေးကြီးသောအချက်များ

အိုကယာမမြို့တွင် ဆေးခန်းရှာနေပါသလား?

လိင်ပိုင်းဆိုင်ရာ စော်ကားမှုရဲ့ သားကောင်ဖြစ်ခဲ့ဖူးရင်

ကိုယ်တိုင်စစ်ဆေးခြင်း

ကိုယ်ဝန်ရှိနေနိုင်တယ်လို့ သံသယရှိပြီး ရာသီလာချိန်နောက်ကျနေရင် ကိုယ်ဝန်စစ်ဆေးကိရိယာကို အသုံးပြုလုပ်နိုင်ပါတယ်။

ကိုယ်ဝန်စစ်ဆေးရေးကိရိယာတွေကို ဆေးဆိုင်တွေမှာ ¥700 လောက်ကနေ ဝယ်ယူနိုင်ပါတယ်။
ကိုယ်ဝန်စစ်ဆေးကိရိယာ ဝယ်ယူဖို့ ဆရာဝန်ညွှန်ကြားချက် ဒါမှမဟုတ် နေထိုင်ခွင့်ကဒ် မလိုအပ်ပါ။
ရာသီလာချိန်နောက်ကျပြီး တစ်ပတ်အကြာမှာ အသုံးပြုနိုင်ပါတယ်။

စစ်ဆေးမှုမှာ မျဉ်းနှစ်ကြောင်းပေါ်လာရင် ရလဒ်က အပေါင်း (+) ဖြစ်ပါတယ်။ ဆိုလိုတာက ကိုယ်ဝန်ရှိနိုင်ပါတယ်။

သားဖွား/မီးယပ်အထူးကုဆရာဝန်ဆီ သွားပါ

သင့်ကိုယ်တိုင် ကိုယ်ဝန်စစ်ဆေးမှုတွင် (+) ဖြစ်ပါက အတည်ပြုချက်အတွက် ဆေးရုံ သို့မဟုတ် ဆေးခန်းသို့ သွားရောက်ရန်လိုအပ်ပါသည်။ သင်၏ကိုယ်ဝန်ကို ဆက်လက်ဆောင်ခြင်း သို့မဟုတ် ဆက်လက်မဆောင်ခြင်းနှင့်ပတ်သက်၍ သင်၏ဆုံးဖြတ်ချက် မည်သို့ပင်ရှိစေကာမူ သင်၏ကိုယ်ဝန် သက်တမ်း ဘယ်နှစ်ပတ်ရှိသညည်ကို ဆုံးဖြတ်ရန် ဆရာဝန်နှင့် အမြန်ဆုံးတွေ့ဆုံရန် အရေးကြီးပါသည်။

ကုန်ကျစရိတ်များသည် ဆေးရုံ သို့မဟုတ် ဆေးခန်းပေါ် မူတည်၍ ကွဲပြားသော်လည်း များသောအားဖြင့် ယန်း ၅၀၀၀ မှ ၁၀၀၀၀ ဝန်းကျင်ဖြစ်သည်။
၎င်းသည် ကျန်းမာရေး အာမခံတွင် အကျုံးမဝင်ပါ။
သင်၏ My Number ကျန်းမာရေးအာမခံကတ်ကို ယူဆောင်လာရန် လိုအပ်ပါသည်။

ဘယ်ကိုသွားရမှန်း မသေချာဘူးလား?

2 options

ကလေးမွေးဖွားခြင်း

ကျန်းမာရေးအာမခံရှိပါက မီးဖွားစရိတ်ကို ကာမိစေရန်အတွက် မီးဖွားခြင်းအတွက် တစ်လုံးတစ်ခဲတည်းပေးချေမှု (出産育児一時金) ကို ရရှိနိုင်ပါသည်။

ဆရာဝန်မှ သင့်ကိုယ်ဝန်ကို အတည်ပြုပြီးသည်နှင့် သင်နေထိုင်ရာဒေသရှိ ကလေးနှင့် မိသားစုစင်တာ (မီးမဖွားမီနှင့် မီးဖွားပြီးနောက် တိုင်ပင်ဆွေးနွေးရေးဌာန) သို့ ကိုယ်ဝန်ဆောင်အကြောင်းကြားစာ (妊娠届) ကို တင်ပြပါ။ ထိုဌာနတွင် မိခင်နှင့် ကလေးကျန်းမာရေးဆိုင်ရာ လက်စွဲစာအုပ် (母子健康手帳)နှင့် ကိုယ်ဝန်ဆောင်စစ်ဆေးမှုအတွက် အထောက်အပံ့ကူပွန် (補助券) များ လက်ခံရရှိမည်ဖြစ်သည်။

သင့်ဆရာဝန်ထုတ်ပေးသော ကိုယ်ဝန်ဆောင်အကြောင်းကြားစာပုံစံကို ယူဆောင်လာပါ။
ဓာတ်ပုံပါ ရှိသည့် မှတ်ပုံတင်ကဒ် (My Number Card)၊ နေထိုင်ခွင့်ကဒ် သို့မဟုတ် နိုင်ငံကူးလက်မှတ်စသည်) ကို ယူဆောင်လာပါ။

မိခင်နှင့်ကလေးကျန်းမာရေးလက်စွဲစာအုပ် (母子健康手帳) / အထောက်အပံ့ကူပွန် (補助券)များ

မီးဖွားခြင်းအတွက် တစ်လုံးတစ်ခဲတည်းပေးချေမှု (出産育児一時金)

ပြည်ပတွင် ကလေးမွေးဖွားခြင်း

မွေးဖွားခြင်း

ဂျပန်နိုင်ငံတွင် ကိုယ်ဝန်ဆောင်ပြီး ကလေးမွေးဖို့ စီစဉ်ထားပေမယ့် ကိုယ့်ဘာသာကိုယ် ကလေးကို ပြုစုပျိုးထောင်ရန် အခက်အခဲရှိနေပါက အမြန်ဆုံး အထောက်အပံ့အဖွဲ့ကို ဆက်သွယ်ပါ။ အိုကယာမ တွင် အိုကယာမ ကိုယ်ဝန်ဆောင် SOS ဂေဟာ ကို ဆက်သွယ်တိုင်ပင်နိုင်ပါတယ်။ Support Links ရှိ “ကိုယ်ဝန်ဆောင် / ကလေးများ” tab ကို ကြည့်ပါ။

ကိုယ်ဝန်ဖျက်ချခြင်း

ကိုယ်ဝန်ဖျက်ချရန် စဉ်းစားနေပါက အမြန်ဆုံး အကြံဉာဏ်ရယူရန်အကြံပြုလိုပါတယ်။ ဆုံးဖြတ်ချက်ကို နှောင့်နှေးခြင်းက ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ ဝန်ထုပ်ဝန်ပိုးတွေကို တိုးစေပြီး ကုန်ကျစရိတ်လည်း ပိုများပါလိမ့်မယ်။ ဂျပန်နိုင်ငံမှာ ကိုယ်ဝန် ၂၂ ပတ် (၂၁ ပတ်နဲ့ ၆ ရက်အထိ) မတိုင်ခင် ကိုယ်ဝန်ဖျက်ချခြင်းကို တရားဝင်ခွင့်ပြုထားပါတယ်။

ဂျပန်မှာ ကိုယ်ဝန်ဖျက်ချခြင်း အမျိုးအစားနှစ်မျိုးရှိပါတယ်- ဆေးသောက်ခြင်း နှင့် ခွဲစိတ်မှုပြုလုပ်ခြင်း။
စုစုပေါင်းကုန်ကျစရိတ်က အောက်ပါအချက်များပေါ် မူတည်ပြီး ကွဲပြားနိုင်ပါတယ်-

ကိုယ်ဝန်ဘယ်နှစ်ပတ်ရှိပြီလဲ
နောက်ဆက်တွဲပြဿနာတွေ ရှိလား
သင်သွားရောက်တဲ့ ဆေးရုံ ဒါမှမဟုတ် ဆေးခန်း
ကိုယ်ဝန်ဖျက်ချခြင်းကို ကျန်းမာရေးအာမခံတွင် အကျုံးမဝင်ပါ။

ကုန်ကျစရိတ်နှင့် ပတ်သက်ပြီး စိုးရိမ်ပူပန်မှုများ ရှိပါက

အိမ်ထောင်ဖက်၏ သဘောတူညီချက်နှင့်ပတ်သက်၍

3 rights

အလုပ်လုပ်ကိုင်နေသူများအတွက်

ဂျပန်နိုင်ငံမှာ အလုပ်သမားအားလုံးကို ၄င်းတို့၏ နိုင်ငံသားဖြစ်မှု သို့မဟုတ် နေထိုင်ခွင့်အမျိုးအစား (နေထိုင်မှု သက်တမ်းလွန်နေသူများ အပါအဝင်) မည်သို့ပင်ရှိစေကာမူ ဥပဒေအရ အကာအကွယ်ပေးထားပါသည်။

ကိုယ်ဝန်ဆောင်မှုကြောင့် အလုပ်ရှင်မှ သင့်အား အလုပ်ထုတ်ခြင်း၊ အလုပ်မှ နှုတ်ထွက်ရန်ဖိအားပေးခြင်း သို့မဟုတ် မိခင်နိုင်ငံသို့ ပြန်ရန် အတင်းအကျပ်ပြုလုပ်ခြင်းသည် တရားမဝင်ပါ။
သင့်ကိုယ်ဝန်ဆောင်မှုအား အလုပ်ရှင်မှ သင့်အား နှောင့်ယှက်ခြင်း၊ ခြိမ်းခြောက်ခြင်း၊ သို့မဟုတ် ကိုယ်ဝန်ဖျက်ချရန် အတင်းအကျပ် ဖိအားပေးမှုလုပ်ခြင်းလည်း တရားမဝင်ပါ။
အလုပ်အကိုင်အာမခံကြေးပေးဆောင်ထားသည့် အလုပ်သမားအားလုံးမှာ မီးဖွားခွင့်ယူနိုင်ပြီး ကလေးမွေးပြီးနောက် ၎င်းတို့၏ မူလအလုပ်ခွင်သို့ ပြန်သွားခွင့်ရှိပါသည်။
အလုပ်ခွင်တွင် သင်၏အခွင့်အရေးများ ချိုးဖောက်ခံရပါက အရေးယူဆောင်ရွက်ပိုင်ခွင့်ရှိသည်။

အလုပ်ခွင်သို့ ကိုယ်ဝန်ရှိကြောင်း အကြောင်းကြားခြင်း

သင့်အလုပ်ရှင်သည် ဆရာဝန်၏ညွှန်ကြားချက်များကို လိုက်နာရန် တာဝန်ရှိပါသည်။

မီးဖွားခွင့်

သင်၏ကိုယ်ဝန်ဆောင်ခြင်းနှင့် မီးဖွားခြင်းအား ‌နှောင့်ယှက်မှုရှိပါက ထိုနှောင့်ယှက်မှုဆိုင်ရာ အထောက်အထားအားလုံးကို သိမ်းဆည်းထားပါ။

ကိုးကားရန် စာရွက်စာတမ်းများ : အလုပ်သမားအခွင့်အရေးများကို သိရှိရန်

နိုင်ငံတကာကျောင်းသူများအတွက်

ကိုယ်ဝန်ဆောင်ခြင်းသည် ကျောင်းမှ ခွင့်ယူနိုင်သည့် တရားဝင်အကြောင်းပြချက်တစ်ခုဖြစ်သည်။

ပညာရေးကို ဆက်လက်သင်ယူလိုပါက၊ ကျောင်းနားခွင့် (休学) ဆိုင်ရာ လုပ်ထုံးလုပ်နည်းများနှင့် ဂျပန် လူဝင်မှုကြီးကြပ်ရေးဌာနသို့ တင်ပြရမည့် အကြောင်းကြားစာများကို ညှိနှိုင်းဆောင်ရွက်နိုင်ရန် ကျောင်းနှင့် တိုင်ပင်ပါ။
ကျောင်းနားခွင့်ယူထားစဉ် (အကယ်၍ သင်သည် ကျောင်းအပ်ထားဆဲကာလဖြစ်ပြီး ထိုသို့နေထိုင်သည့်ကာလအတွင်းဖြစ်ပါက) သင်၏နေထိုင်ခွင့်အမျိုးအစား (ဇိုင်းလျူးရှီကခု) မပြောင်းလဲပါ။ ကိုယ်ဝန်ဆောင်ခြင်း သို့မဟုတ် ကလေးမွေးဖွားခြင်းကြောင့် ဂျပန်မှထွက်ခွာရန် အတင်းအကျပ်ခိုင်းစေခံရခြင်း သို့မဟုတ် နှင်ထုတ်ခံရခြင်းမျိုးမရှိပါ။
ကျောင်းတက်နေဆဲဖြစ်ပါက ကျောင်းနားခွင့်ယူထားစဉ် ကျောင်းသားဗီဇာကိုလည်း သက်တမ်းတိုးနိုင်ပါသည်။

မည်သည့် သတင်းမှမပို့ဘဲ ရက်ရှည်ကျောင်းပျက်ကွက်ခြင်းသည် သင်၏ကျောင်းတက်ရောက်မှုမှတ်တမ်းကို ထိခိုက်စေနိုင်ပြီး ကျောင်းထုတ်ခံရခြင်း သို့မဟုတ် ကျောင်းမှထွက်ရခြင်းအထိ ဖြစ်နိုင်ပါသည်။ ထို့ကြောင့် ကျောင်းကို မဖြစ်မနေ ဆက်သွယ်အကြောင်းကြားရန်လိုအပ်ပါသည်။

သင့်မိခင်နိုင်ငံတွင် ကလေးမွေးဖွားခြင်း

ကျောင်းမှ ထုတ်ပယ်ခံရမည်ဟု ခြိမ်းခြောက်ခံရပါက သို့မဟုတ် ထုတ်ပယ်ခံရမည်ဟု သွယ်ဝိုက်ပြောဆိုခံရပါက

နေထိုင်ခွင့်အခြေအနေ / နိုင်ငံသားဖြစ်မှုနှင့်ပတ်သက်၍

ဂျပန်နိုင်ငံတွင် မွေးဖွားသော ကလေးငယ်များသည် ဂျပန်နိုင်ငံသားအဖြစ် အလိုအလျောက် ရရှိမည်မဟုတ်ပါ (မိခင်သည် ဂျပန်နိုင်ငံသားနှင့် လက်ထပ်ထားခြင်းမရှိပါက သို့မဟုတ် ဂျပန်နိုင်ငံသားဖခင်သည် ဖခင်ဖြစ်ကြောင်းတရားဝင် အသိအမှတ်ပြုထားခြင်းမျိုးမရှိပါက)။

ကလေးမွေးဖွားပြီးနောက် အောက်ပါအတိုင်း လိုက်နာရမည့် လုပ်ထုံးလုပ်နည်း ၃ ခုရှိပါသည်။

၁။ မွေးစာရင်းမှတ်ပုံတင်ခြင်း → အိုကယာမမြို့တော်ခန်းမ (ရှီယခုရှော)

၂။ နေထိုင်ခွင့်အခြေအနေ → လူဝင်မှုကြီးကြပ်ရေးဌာန

၃ နိုင်ငံသားဖြစ်မှု → သံရုံး သို့မဟုတ် ကောင်စစ်ဝန်ရုံး

မိခင်၏ နေထိုင်ခွင့် သက်တမ်းကုန်ဆုံးသွားပါက (နေထိုင်ခွင့်လွန်သွားခြင်း/ အိုဗာစတေး)။

[အရင်းအမြစ်များ]

ဤ ဝက်ဘ်ဆိုက် ကို Societas Research Institute, Hashimoto Foundation မှ အဖွဲ့ဝင်များမှ မှန်မှန် အပ်ဒိတ်လုပ်ပါသည်။ ကျွန်ုပ်တို့သည် ဂျပန်နိုင်ငံ၊ အိုကာယာမာ စီရင်စုတွင် အခြေစိုက်သော Public Interest Incorporated Foundation တစ်ခုဖြစ်သည်။ မေးမြန်းစုံစမ်းလိုပါက ဆက်သွယ်ရန်။ ဤဆိုက်ကို 2026/6 တွင် အပ်ဒိတ်လုပ်ခဲ့သည်။